Cofrestr Buddiannau
Dylid cofnodi buddiannau personol cynghorwyr gan gynnwys cyflogaeth, tirddaliadau yn y gymuned, buddiannau teuluol a busnes, ac unrhyw aelodaeth a swydd reolaeth (fel trysorydd) mewn sefydliadau eraill, yn y gofrestr buddiannau ar ddechrau eu tymor fel cynghorydd. Dylai cynghorwyr gadw eu buddiannau cofrestredig yn gyfredol. Dylid hefyd gofrestru rhoddion a lletygarwch a dderbynnir gan unrhyw gynghorydd.
Rhaid i’r cyngor cael ei weld fel yn gwneud penderfyniadau mewn ffordd deg ac agored, heb ragfarnu’r mater. Os gallai aelod o’r cyhoedd feddwl yn rhesymol y bydd dyfarniad cynghorydd ar fater yn cael ei ddylanwadu neu ei ragfarnu gan fuddiannau personol y cynghorydd, yna dylai’r cynghorydd ddatgan buddiant rhagfarnus. Ni ddylai’r cynghorydd gymryd rhan yn y ddadl na’r penderfyniad ar y mater, ac efallai y byddai’n ddoeth gadael yr ystafell wrth i’r mater gael ei drafod.
